Capurro

Cuncettèlla è na bona figliola,
ma nun tene né mamma, né pate;
ll'aggiu vista, ce simmo spiegate
e mm'ha ditto: "Parlate a Zi-zí'..."

E buongiorno e salute,
io...na cosa sultanto
ve voglio dí:
Si a Cuncetta mm''a sposo,
o cunzenzo mm''o date,
Zí' Carulí'?

Arapíte 'sta scatula 'e stagno
giá ca site aggarbata e curtese;
accettate stu sordo 'e liccese
e, surchianno, putimmo parlá...

E buongiorno e salute,
io...na cosa sultanto
ve voglio dí:
Si a Cuncetta mm''a sposo,
o cunzenzo mm''o date,
Zí' Carulí'?

Ma che fa ca nun tene 'a cammisa?
Ll'ommo buono, 'a cammisa, 'a rifiuta:
Io nun voglio 'a figliola vestuta:
Senza niente è cchiù meglio, Zi-zí'...

E buongiorno e salute,
io...na cosa sultanto
ve voglio dí:
Si a Cuncetta mm''a sposo,
o cunzenzo mm''o date,
Zí' Carulí'?