Ha ditto 'o core mio: "Fa' 'o tentativo...
a mezanotte va' sott''o barcone:
chella ll'ha fatto sulo pe' currivo
e se fa 'ntennerí cu na canzone..."
E i' só' turnato ccá,
e i' só' turnato ccá,
cu 'sta chitarra mia pe' t''a cantá!...

Ma 'sta serenatella
ca i' porto a te...
è na serenatella
sciué sciué...
Pecché, si nun mme siente,
io resto indifferente...
'a mille vocche ardente
mme voglio fá vasá!...
Perciò 'sta canzuncella
ca i' porto a te...
è na serenatella
sciué sciué...

Tu nun mm'hê dato pace nu mumento
e mme ll'hê fatta perdere 'a pacienza...
Si mo, cantanno, metto 'o sentimento,
'o ffaccio cchiù pe' scrupolo 'e cuscienza!
'O core ha ditto: "Va'..."
'O core ha ditto: "Va'..."
e nun mme só' pututo rifiutá...

Ma 'sta serenatella
ca i' porto a te...
è na serenatella
sciué sciué...