Comme si fosse 'o primmo appuntamento,
mm'aggio 'ncignato 'o vestetiello 'e lino...
cu 'a cuppulella â sgherra e 'o mandulino,
stasera, 'int'a stu vico, aggi''a cantá
na serenata guappa e dispettosa...
A chi se sposa io ll'aggi''a dedicá:

Sciore amaranto,
te spuse pe' denare 'o sissantenne
ca tene giá nu père ô campusanto...

Vino 'e Terzigno,
'o bello venarrá dimane a notte
quanno te cucche a fianco a chella scigna...

Frunnéll''aruta,
si 'o viecchio arranca 'ncopp'a na sagliuta
tu mánname a chiammá...vengo in aiuto!

Mm'aggi'affittato 'o carro 'e Bellumunno,
mettenno, 'int''o tavuto, 'o primmo ammore...
dimane, primma 'e jí 'ncopp'a ll'altare
'int'a stu vico ll'aggi''a fá passá...
e doppo mme ne vaco 'int''a cantina:
mentre te spuse, io mm'aggi''a 'mbriacá!

Sciore amaranto,

Frunnéll''aruta,
è mezanotte e 'a luna se n'è ghiuta...
con questo mio stornello vi saluto...