'O MARE CANTA

Bovio - Lama

Siente che musica doce
fanno chest'onne addurose!
Siente che voce, che voce,
ca tènono 'e ccose
stanotte, Marí'!...

E' 'o mare che canta,
stu mare lucente...
E 'a canzone se chiamma "Surriento..."
E 'a luna, ch''a sente,
s''a 'mpara 'e cantá!

Ll'albere 'e chisti ciardine,
só' tutte arance e limone,
quanno tu, 'a sera, cammine,
te 'ncante, te stuone,
nun saje che vuó' fá!

E' 'o mare che canta,
..................................

Passa stanotte ll'Ammore
'ncopp''a marina 'e Surriento...
Tutto è silenzio e chiarore:
nemmeno cchiù 'o viento
se sente 'e sciatá...

E' 'o mare che canta,
..................................