'NCOPP' A LL'ONNA

Bovio - Fassone


Cchiù verde d''e ffrónne
stasera só' ll'onne,
só' ll'onne d''o mare...
Mme 'ncanto e mme pare
ch''a varca se sperde
pe' 'mmiez'a stu vverde.
E i' voco, e vucanno, mme scordo...
Mme scordo d''o munno, Marí'!...

Nonna, nonna,
'ncopp'a ll'onna,
comm'è bello 'int''a varca a durmí...
Doce è 'o suonno
ca mme sonno....
Ah, putesse, sunnanno, murí!...

Sunate, campane,
vicine e luntane
ca 'o mare risponne...
Rispónnono ll'onne
ch''a sanno 'sta voce
ca è triste, ma è doce...
P''a terra e p''o mare, è na pace:
Chest'ora, mme fa 'ntennerí!...

Nonna, nonna,
........................

Marí', tutt''e ggioje
d''a vita só' 'e ttoje,
ma 'o mare è d''o mio...
Ccá regno sul'io...
pecché, 'o marenaro,
è 'o rre, 'mmiez'ô mare!
Cu st'èvera bella ch'addora,
mme faccio 'a curona, Marí'!

Nonna, nonna,
........................