NAPULE

Murolo - Tagliaferri

Cielo 'e Pusilleco, rose e viole,
quanno pe' Pròceda tramonta 'o sole...
doje stelle luceno...po' a ciento â vota...
chelle ca spontano chi 'e ppò cuntá?!...

Napule,
a qua' parte d''o munno se fa 'ammore
comm'a Napule, 'e sera, 'int'a ll'está?...
Vócche vasate, cantano...
core tradute, chiagnono...
Ma è tantu bella Napule
ca pure ll'odio te fa scurdá!...

Vie nove 'e Napule, coppie in amore...
mille só' 'e palpite, ma uno è 'o core!
Si duje camminano, ll'ombra è una sola:
Meglio se 'ntènnono senza parlá...

Napule,
a qua' parte d''o munno se fa 'ammore
..............................................................

Comme staje languida...stramana è 'a via...
si te desidero, tu si' d''a mia!
Sti llabbre tremmano...fredda è 'sta mano...
nun puó' resistere: staje 'mbracci'a me...

Napule,
a qua' parte d''o munno se fa 'ammore
..............................................................